గచ్చిబౌలిలో ఉమెన్స్ హాకీ వరల్డ్‌కప్ క్వాలిఫయర్ మ్యాచ్‌లు ప్రారంభం

హైదరాబాద్ గచ్చిబౌలి హాకీ స్టేడియంలో ఈ నెల 8 నుంచి 14 వరకు ఉమెన్స్ హాకీ వరల్డ్‌కప్ క్వాలిఫయర్ మ్యాచ్‌లు జరగనున్నాయి. ఎఫ్‌ఐహెచ్ (FIH) మరియు హాకీ ఇండియా తో కలిసి రాష్ట్ర క్రీడా శాఖ ఈ టోర్నీని నిర్వహిస్తోంది. భారత్‌తో పాటు ఇంగ్లండ్, ఆస్ట్రియా, ఇటలీ, కొరియా, స్కాట్లాండ్, ఉరుగ్వే, వేల్స్ జట్లు పాల్గొంటున్నాయి. భారత మహిళల జాతీయ హాకీ జట్టు తో పాటు స్కాట్లాండ్, ఉరుగ్వే జట్లు ఇప్పటికే హైదరాబాద్ చేరుకున్నాయి. అంతర్జాతీయ స్థాయి ఈ టోర్నీ హైదరాబాద్‌లో జరగడం ఇదే తొలిసారి కావడం విశేషం.