మార్చి 31 నాటికి VJA బైపాస్ పూర్తి: కేంద్రమంత్రి గడ్కరీ

గొల్లపూడి నుంచి చినకాకాని వరకు 17.88 కిలోమీటర్ల పొడవున చేపట్టిన విజయవాడ బైపాస్ ప్రాజెక్టు మార్చి 31 నాటికి పూర్తవుతుందని కేంద్రమంత్రి నితిన్ గడ్కరీ వెల్లడించారు. లోక్‌సభలో ఎంపీ బాలశౌరి అడిగిన ప్రశ్నకు ఆయన సమాధానం ఇచ్చారు. మొత్తం ప్రాజెక్టులో 4 కిలోమీటర్ల మేర పనులు మాత్రమే మిగిలి ఉన్నాయని, వాటిని నిర్ణీత గడువులో పూర్తి చేయడమే లక్ష్యమని తెలిపారు. 2019లో రూ.1,194 కోట్ల అంచనావ్యయంతో ఆరు వరసల బైపాస్‌కు అనుమతులు ఇచ్చినట్లు గుర్తు చేశారు. ఈ ప్రాజెక్టు పూర్తైతే ట్రాఫిక్ సమస్యలు గణనీయంగా తగ్గనున్నాయి.