అమెరికా సుంకాల నిర్ణయంతో బ్రిటన్‌కు భారీ దెబ్బ… ఎగుమతులపై ప్రభావం

అమెరికా అధ్యక్షుడు డొనాల్డ్ ట్రంప్ ప్రపంచ సుంకాలపై తీసుకున్న తాజా నిర్ణయం బ్రిటన్‌కు పెద్ద దెబ్బగా మారే అవకాశముంది. ఇప్పటివరకు 10 శాతం పరస్పర సుంకంతో ప్రయోజనం పొందిన బ్రిటన్‌పై ఇప్పుడు 15 శాతం సుంకం విధించే సూచనలు వెలువడ్డాయి. దీంతో బ్రిటన్‌కు అత్యధిక ప్రభావం ఉంటుందని వాణిజ్య విశ్లేషకులు చెబుతున్నారు. బ్రిటన్ ఎగుమతులపై సుమారు నాలుగు బిలియన్ డాలర్ల అదనపు భారం పడే అవకాశం ఉందని అంచనా. అమెరికా పరిపాలన నుంచి స్పష్టత కోసం బ్రిటన్ అధికారులు తీవ్రంగా ప్రయత్నిస్తున్నారు. అయితే ఉక్కు, ఔషధాలు, వాహన రంగాలకు మినహాయింపులు కొనసాగనున్నట్లు సమాచారం.