నా భర్త చనిపోయిన వారానికే టార్చర్ మొదలుపెట్టారు... కన్నీళ్లు పెట్టుకున్న మీనా

బాలనటిగా ఇండస్ట్రీలో అడుగుపెట్టి అగ్ర హీరోల సరసన హీరోయిన్‌గా నటించి మెప్పించింది మీనా . కరోనా టైమ్‌లో ఆమె భర్త మరణించడంతో కుమార్తెతో కలిసి ఒంటరిగానే జీవిస్తోంది. అయితే ఆమె రెండో పెళ్లి చేసుకోబోదంటూ తరుచూ వార్తలొస్తున్నా ఎప్పటికప్పుడు ఖండిస్తూ వస్తోంది. జగపతిబాబు హోస్ట్ చేస్తోన్న ‘జయమ్ము నిశ్చయమ్మురా’ కార్యక్రమానికి గెస్ట్‌గా వచ్చిన మీనా ఇదే అంశంపై స్పందిస్తూ భావోద్వేగానికి గురైంది. భర్త చనిపోయిన తర్వాత తాను ఎలాంటి పరిస్థితులు ఎదుర్కొన్నానో చెబుతూ కన్నీళ్లు పెట్టుకున్నారు.