చంద్రగ్రహణం ప్రభావం.. తెలుగు రాష్ట్రాల్లో ఆలయాలు మూత

చంద్రగ్రహణం నేపథ్యంలో తెలుగు రాష్ట్రాల్లోని పలు ప్రముఖ ఆలయాలు రేపు మూతపడనున్నాయి. తిరుమల వేంకటేశ్వర ఆలయంలో ఉదయం 9 గంటల నుంచి రాత్రి 7.30 వరకు దర్శనాలను నిలిపివేయనున్నారు. తెలంగాణలోని యాదగిరిగుట్ట లక్ష్మీ నరసింహ స్వామి ఆలయంను ఉదయం 7 గంటలకే మూసివేసి, బుధవారం తిరిగి తెరవనున్నట్లు యాజమాన్యం తెలిపింది. రేపు జరగాల్సిన హోలికోత్సవాన్ని ఈరోజే సాయంత్రం నిర్వహించనున్నారు. అయితే శ్రీకాళహస్తి ఆలయంలో మాత్రం దర్శనాలు యథావిధిగా కొనసాగనున్నాయి. భక్తులు ముందస్తు సమాచారం తెలుసుకుని ప్రయాణాలు ప్లాన్ చేసుకోవాలని అధికారులు సూచించారు.