ఈక్విటీ ఇన్వెస్టర్లపై LTCG పన్ను రద్దు చేయాలి: రాజ్యసభలో రాఘవ్ చడ్డా డిమాండ్

ఈక్విటీ మార్కెట్‌లో వ్యక్తిగత ఇన్వెస్టర్లపై విధిస్తున్న లాంగ్ టర్మ్ క్యాపిటల్ గెయిన్స్ (LTCG) పన్నును పూర్తిగా రద్దు చేయాలి అని ఆమ్ ఆద్మీ పార్టీ నేత రాఘవ్ చడ్డా డిమాండ్ చేశారు. యూనియన్ బడ్జెట్ 2026–27పై రాజ్యసభ చర్చలో పాల్గొన్న ఆయన, ఇలా చేస్తే గృహ సంపద పెరిగి, బంగారం–రియల్ ఎస్టేట్ నుంచి ఉత్పాదక పెట్టుబడులవైపు పొదుపులు మళ్లుతాయని అన్నారు. LTCGకి ప్రత్యామ్నాయంగా STT తీసుకొచ్చారని గుర్తు చేసిన చడ్డా, రెండింటినీ కొనసాగిస్తే దీర్ఘకాల ఇన్వెస్టర్లు నిరుత్సాహపడతారని హెచ్చరించారు. స్విట్జర్లాండ్, సింగపూర్ వంటి దేశాల్లో ఈక్విటీ లాభాలపై పన్ను లేనిదే ఉదాహరణగా చూపించారు.