బీసీ రిజర్వేషన్లకు వ్యతిరేకంగా పిటిషన్.. కొట్టివేసిన సుప్రీంకోర్టు

తెలంగాణలో బీసీ రిజర్వేషన్లకు వ్యతిరేకంగా దాఖలైన పిటిషన్‌ను సుప్రీంకోర్టు కొట్టివేసింది. ఈ అంశంపై ఇప్పటికే హైకోర్టులో రెండు పిటిషన్లు పెండింగ్‌లో ఉన్నందున, సుప్రీంకోర్టు విచారణను తిరస్కరించింది. జస్టిస్ విక్రమ్‌నాథ్ నేతృత్వంలోని ధర్మాసనం, పిటిషనర్‌ను నేరుగా సుప్రీంకోర్టుకు రావడంపై ప్రశ్నించింది. హైకోర్టులో ఇదే అంశంపై విచారణ ఉన్నప్పుడు ఆర్టికల్ 32 కింద పిటిషన్ ఎందుకు దాఖలు చేశారని ప్రశ్నించింది. అనంతరం జస్టిస్ సందీప్ మెహతాతో కూడిన ధర్మాసనం ఈ పిటిషన్‌ను కొట్టివేసింది.