ప్రాణాపాయ స్థితిలో ఎన్టీఆర్ వీరాభిమాని.. అండగా నిలిచిన ‘భైరవం’ హీరోలు

జూనియర్ ఎన్టీఆర్ వీరాభిమాని, ఏలూరు సిటీ ఎన్టీఆర్ ఫ్యాన్స్ అసోసియేషన్ కరస్పాండెంట్ సోమేశ్ తీవ్ర అనారోగ్యానికి గురై ఆర్థిక ఇబ్బందులు ఎదుర్కొంటున్నారు. సోషల్ మీడియాలో సహాయం కోరుతూ పోస్ట్ చేసిన ఆయనకు నెటిజన్లు విరాళాలు అందిస్తున్నారు. హీరో మంచు మనోజ్ స్పందిస్తూ “ధైర్యంగా ఉండు తమ్ముడు, మేమంతా నీతోనే ఉన్నాం” అంటూ సాయం చేస్తానని హామీ ఇచ్చారు. అలాగే బెల్లంకొండ శ్రీనివాస్ కూడా విజయవాడలో కలసి సహాయం అందిస్తానని ట్వీట్ చేశారు. అభిమానుల పోస్ట్‌కు స్టార్ హీరోలు స్పందించడంపై నెటిజన్లు ప్రశంసలు కురిపిస్తున్నారు.